Gasteiz Ezagutzen bisita gidatuen bigarren kapituluan eta Gasteizko martxoak 3 elkartearen eskutik, “M3M- MARTXOAK 3 MEMORIALA 1976/2016” ibilbideaz gozatzeko eta oroimen historikoa berreskuratzeko aukera izan genuen. Elkarteko Clara gidari eta MP3etako Juan Ibarrondoren kontakizun dramatizatua lagun, Zaramaga auzoan zehar kokatuta dauden ekintza artistikoak ikusi genituen: Txaro Arrazola, Irantzu Lekue, Veronica Werckmeister, Marta Gil eta Sandra Santosen obrak hain zuzen.