BADATOR KANTARI 2023!
![](https://geuelkartea.eus/wp-content/uploads/2022/12/web-guneko-irudi-nabarmenduak-16-1024x491.jpg)
Gaztetxoen artean euskarazko kantuak sustatzeko karaoke ikuskizuna da Kantari. Bertan neska-mutikoek euskal kantuak abesten eta dantzatzen dituzte. Gasteizko Udalaren eta Vital Fundazioaren babesari esker aurrera aterako da aurtengo edizioa.
![](https://geuelkartea.eus/wp-content/uploads/2022/12/kartela-724x1024.png)
Ohiko datak aldatu ostean, Kantari ikuskizunaren edizio berria 2023ko udaberrian ospatuko da. gelakideekin batera galdetegi bidez izena-eman beharko dute.Kantarik ez du inolako lehiaketa kutsurik. Parte hartzea eta ondo pasatzea da garrantzitsuena!!! Parte hartzeko, Gasteizko 7 eta 11 urte bitarteko gaztetxoek 4 eta 5 lagun bitarteko taldeak osatu beharko dituzte.
Urtarrilaren 15a arte izango dute parte-hartzaileek online izen-emateko aukera.
Hasiera batean, izen-emate epea Gabonen aurretik ixteko asmoa izan arren, azken orduko partaidetza kopuru altua eta jasotako zalantza ugariak ikusita, Kantari ikuskizuneko antolatzaileek izen-emate epea luzatzea erabaki dute.
Gainera, gogorarazi nahi dugu, taldeak behar bezala osatu ahal izateko, taldekide guztiek bete beharko dutela galdetegia.
Kontaktuak:
- Telefono bidez: 640 574 996
- Posta elektronikoz: kantari@geuelkartea.eus
Iruzkinik ez "BADATOR KANTARI 2023!"