[Sarrerak Deskontuarekin] Eñaut Elorrieta: ‘Irteera argiak’

Irteera argiak Eñaut Elorrietak azken urteotan garatutako ibilbidearen ondorio zuzena da. Oso gaztetan kantuan hasi zenetik urrats bat harago egin du proiektu bakoitzean, beti gorantz, sorkuntzan, interpretazioan, agertokiaren gaineko emanaldietan eta, batez ere, publikoaren aurreko pertzepzioan.

Aukera ezin hobea du publikoak lan berri horren eta kantariaren eskutik abesti berrion zapore gozoa bezain sentikorra eskuzabalki jasotzeko. Lan berria erabat sinesgarria eta atsegina baita, eta neurri handi batean
baita hunkigarria ere.

Disko berriko bederatzi abesti sendoez gain, bere errepertorio esanguratsuaren esentzia ere ekarriko du artistak zuzenetara, hasieratik erakutsi dituen zintzotasuna eta benetakotasuna agertokira ekarrita.

– Principal Antzokian
– Otsailak 27 – 19:00
– 10,5 €

• Pertsona bakoitzak 2 sarrera erosi ditzake gehienez, hala ere, gehiago behar izanez gero, jarri gurekin harremanetan.
• Sarrerak emanaldiaren egunean bertan banatuko ditugu OPERA ERAIKINAREN atarian
• Sarrera mugatuak dira, azkar ibili eta idatzi lehenbailehen