- ekitaldia hau amaitu da.
Gasteizko euskara jendea Familia-argazkira nor gonbidatu? – Irati Iciar Madinabeitia
22 otsaila, 2022 @ 20:30 - 22:00
Gasteizko euskara jendearena oso argazki jendetsua litzatekeela uste dugu, baina marka da gero, askotan, hiri berean 
bizi izanda lehengusu-lehengusinek elkarren berri ez izatea, ezta?
Euskara jendea –egingo ez den argazki honetarako- gure hizkuntzaren egoerak kezkatuta etorkizun hobea eraikitzen ahalegintzen dena da. Gasteiztar euskaltzaleak dira eragiteko elkartzen direnak, adibidez: guraso elkarte, euskara talde, ikasle edo langile batzorde, komunikabide, auzo elkarte, aisialdi-kultura-kirol taldeetan…
Baina, zein dira? Non eta zein arlotan aritzen dira? Zer egiten dute? Noiz? Ba al dute harremanik edota helburu komunik? Aurrera begirako zer asmo dute? Zer beharko lukete horretarako? Bada aukerarik, elkarren berri izanda, elkarlanean aritzeko?, Zertan?…
Ez da familia argazkirik egingo, baina “familia” irudikatzen hasiko da, kide-senide guztiok horren berri izan dezaten, zoriontsu eta eraginkorrago izateko bidea baita. Lagundu nahi?
GEU elkarteko lehendakaria den Irati Iciar Madinabeitiak bideratuko du saioa, eta denon ekarpenekin nor garen eta zer egiten dugun argitzen saiatuko gara.
Antolatzaileak: ARABAGARA, Topagunea, Lazarraga Elkartea, ALEA eta GEU Elkartea
Babesleak: Gasteizko Udala, Laboral kutxa eta Vital Fundazioa