- ekitaldia hau amaitu da.
[EKINTZA OSAGARRIAK] Arabako Artxibora bisita gidatua
urtarrilak 18 @ 11:00 - 12:00
Arabako Artxibo Historiko Probintzialean balio handiko dokumentuak daude gordeta.
Dekretu bidez sortu zuten 1931ko azaroaren 12an, ehun urte baino gehiagoko notario-protokoloak gordetzeko eta zabaltzeko xedez. Harrezkero beste hainbat agiri artxibatu dituzte bertan (zaharrenak Erdi Arokoak dira, XIII. mendekoak). Egun, notarioek eta Estatuko Herri Administrazioek Araban sortzen dituzten dokumentuak bertan kudeatzen dituzte, eta, gainera, agiri pribatuak ere gordetzen dituzte. Zaintzapean dituzten dokumentu horiek ikusteko aukera dago. Horrela, erakunde publikoetako agiriez gain, Arabako hainbat familia garrantzitsuren dokumentuak, Oñatiko Unibertsitateko agiriak eta Euskalerriaren Adiskideen Elkarteko dokumentuak ere topa ditzakegu bertan.
Noiz: Urtarrilak 18, 11:00
Non: Arabako Artxibo Historiko Probintzialean (Zumakadi ibilbidea, 21)