Untitled

Ekitaldiak kargatzen

« All Ekitaldiak

[BEGI BELARRI] ‘Jainkoak ez dit barkatzen’

urtarrila 23 @ 19:00 - 20:30

 

‘Jainkoak ez dit barkatzen’ dokumentalean Lezo Urreiztietaren bizitza eta gorabeharak kontatzen dira.

Lezo Urreiztieta Rekalde (Santurtzi, 1907 – Baiona, 1981) euskal itsasgizon, abertzale ospetsua, mugalari eta kontrabandista, eta ehunka judu eta errepublikano salbatu zituen pertsona izan zen.

“Lezo Urreiztieta XVI. mendeko pirata bat zen, okerrez 1907. urtean jaioa. Bere bizia arriskuan jarri, eta ehunka pertsonena salbatu zuen; Euskal Herriaren askatasuna negoziatu zuen atzerritar gobernuekin; Bilbon armaz betetako 17 itsasontzi sartu zituen Gerra Zibilean; Franco akabatzear egon zen…  Hura hil eta berrogei urtera, Martin Ugalde idazlearen magnetofonoak haren istorio sinestezina ezagutaraziko digu, protagonistaren beraren ahotsaren bitartez. Elkarrekin 1975. eta 1978. urteen artean izandako elkarrizketa batzuk harturik abiaburu, film honek argitara aterako du XX. mendeko euskal historian funtsezkoa izan zen norbaiten lekukotza”, azaldu du Josu Martinez.

 

 

Solasaldia:

Josu Martinez (Bilbo, 1986), Ikus-Entzunezko Komunikazioan eta Antropologia Sozial eta Kulturalean lizentziaduna da, eta EHUko Ikus-entzunezko Komunikazioko ikerlari eta irakaslea. Halaber, Josu Martinez EHUko Ikus-entzunezko Komunikazio saileko ikerlaria da, eta hizkuntza gutxituak eta ikus-entzunezko komunikabideak aztertzen dituen NOR taldeko kidea. Itsasoaren Alaba (2009), Sagarren denbora (2010), Prohibido recordar (2010) eta Gure Sor lekuaren bila (2015) dokumentalak zuzendu ditu, guztiak Donostia Zinemaldian estreinatuak. Era berean, Barrura begiratzeko leihoak (2012) kolaborazio-dokumentalean parte hartu zuen. Aurten Ama film laburra zuzendu du, Donostiako Kimuak saileko katalogoan proiektatuko dena.

Xehetasunak

Data:
urtarrila 23
Ordua:
19:00 - 20:30
Kategoria Ekitaldi:

Egoitza

Oihaneder Euskararen Etxea
Frai Zacarías Martínez kalea 2
Vitoria-Gasteiz, 01001
+ Google Map
Telefonoa:
945 16 16 16 ( 3438) – 615 98 68 32
Webgunea:
http://oihanedereuskararenetxea.eus/eu/