Girotzea [ARABAN DA BAI, BAINA…] 2024

IKArekin elkarlanean antolatutako kultur txapelketa honetan parte hartzera animatzen zaituztegu.

NOLA PARTE HARTU

Astero Arabako herri eta leku ezberdinen 10 argazki zabalduko ditugu gure web gunean. Helburua, argazkiari lotutako galderari erantzun egokia ematea.
Parte hartzea taldeka izango da (izen ematea maiatzaren 3ra arte egongo da irekita), eta behean dagoen loturan erantzuten egingo da.
Erantzun bakarra bidali ahal izango du talde bakoitzak.
Talde bakoitzean, joko honetarako arduradun bat egongo da, eta erantzunak arduradun horren izenean bidali beharko dira. Taldeko parte hartzaileen izenak ere eman behar dira galdetegian. Kontuan hartu, zuen mintzalagun taldeko kide guztiek ez dutela zertan parte hartu behar lehiaketan.
Asmatutako erantzun zuzen bakoitzak puntu bat emango du. Taldeak, lortutako puntuen arabera sailkatuak izango dira.
10 argazki sorta zabalduko ditugu 3 aste ezberdinetan. Tarte horretan puntu gehien lortzen dituen taldea finalera pasako da.
Faseak:
Girotzea: apirilaren 25etik apirilaren 29era (erantzunak apirilaren 30ean). Ez du lehiaketarako kontatzen.
1.galdera sorta: maiatzaren 6tik 13ra (erantzunak maiatzaren 15ean).
2.galdera sorta: maiatzaren 20tik 27ra (erantzunak maiatzaren 29an).
3.galdera sorta: ekainaren 3tik ekainaren 10era (erantzunak ekainaren 12an)
Mintzalagunen artean finalista suertatzen den taldea, IKA eta AEK euskaltegietako beste talde finalisten kontra jokatuko du.
Finala ekainaren 20an izango da.
Finala irabazten duen taldeak 150€-ko saria jasoko du.