BASKER dokumentala Begi Belarri Zikloan

Argibel Euba ikertzaileak, Mikel Laboa Katedraren laguntza bati esker, 1963an suediar telebista publikoarentzat Euskal Herrian filmaturiko bi laburmetraia dokumental etnografikoren azterketa egin zuen. Basker (24 min) eta Bonde i Baskerland (17 min) balio historiko berezia duten dokumentu historikoak dira, eta balio dokumental eta etnografiko izugarriko testigantzak. 1960ko hamarkadako euskal kulturaren, folklorearen eta landatar bizimodu tradizionalen elementuak erakusten dizkigute modu zintzo eta zuzenean. Elementu horietako batzuk aski ezagunak dira gaur egun; beste batzuk, aldiz, desagertu egin dira, gure kulturak azken hamarkadetan bizitako aldaketa arin eta sakonak agerian utziz. [+ INFO]