Gazteentzako sormen laborategia izateko asmoa duen proiektua da. 14-18 urte bitarteko gazteei zuzendua dago eta honen helburuak honako hauek dira:

  • Lagun artean sormena bizi, gazte sortzaileen sarea elikatu eta euskararen erabileran eta gaitasunean eragin.
  • Euskararekin jolastu, ikasi, hazi eta lagunak egin
  • Ondo pasatu, gutako bakoitza sortzailea ere badela biziarazi
  • Sormen prozesuak lehen pertsonan bizi

Sormen prozesuan lehen pertsonan bizitzeko eta esperimentatzeko aukera paregabea!

Proiektuan zehar hainbat diziplina landu daitezke, hala nola, bertsolaritza, musika, antzerkia, dantza, ikus-entzunezkoak… Diziplina bakoitzaren amaieran saio trinko bat egingo da (guztira 4 saio trinko). Ikasturte amaieran sormen asteburua egiten da ikasitakoarekin sormen proiektu bat egiteko.

Laborategiak diziplina bakoitzeko adituekin egingo da.